Сёння раніцай пайшоў з жыцця народны мастак Беларусі Май Данцыг.

Яго называлі мэтрам так званага суровага стылю. Гэта накираванне ў рэалістычным савецкім жывапісу 1960-х гадоў. Апроч гэтага, ён напісаў партрэты Васіля Быкава, Алеся Адамовіча, Анатоля Анікейчыка і іншых вядомых беларусаў.

Яго работы захоўваюцца ў фондах Нацыянальнага мастацкага музея Беларусі, Дзяржаўнай Трэцьякоўскай галерэе ў Маскве, у Музее ВАВ у Мінску, музейных калекцыях Расіі, Галандыі, Германіі, Бельгіі, Італіі, ЗША і іншых краін.

Маю Данцыгу было 86 гадоў.