Дабраранак

Правесці раніцу разам з абаяльнымі беларускімі лялькамі, якія размаўляюць выключна на роднай мове, можна па буднях а сёмай гадзіне на тэлеканале “Беларусь 3”.

Сёлета да знакамітага мядзведзіка Топы далучыліся Кася, Лесік і Ясік. Праграма папоўнілася рубрыкамі, якія дапамогуць лёгка прачнуцца, атрымаць порцыю пазітыву і захаваць добры настрой на ўвесь дзень.

Рубрыка “Будзілка” – упадабаная дзеткамі музычная іскрамётная танцавальна-спартыўная размінка, “Мульціварка” – цікавая падборка лепшых айчынных і савецкіх мультфільмаў, “Дапамагайка” – скарбонка карысных парад, якія навучаць дзіця, што рабіць у любой няпростай сітуацыі. Беларускамоўны Айбаліт – доктар Андрэй Вітушка – падкажа, як заставацца здаровым і ніколі не губляць аптымізму.

Забаўляльна-пазнавальная праграма для дашкольнікаў і малодшых школьнікаў – гэта правядзенне раніцы ў цудоўнай кампаніі і лепшая альтэрнатыва для станаўлення беларусікаў сапраўднымі беларусамі.

Глядзіце “Дабраранак” па буднях у 7.00 на тэлеканале “Беларусь 3”.

Відэа: